Nyarugenge-Muhima:Hashojwe icyumweru cyahariwe irangamimerere. Umurenge wa Muhima wahize iyindi,wegukana ibihembo
Uyu munsi tariki 04/09/2024,mu murenge wa Muhima Hashojwe icyumweru cyahariwe irangamimerere,Aho umurenge wa Muhima wahize iyindi mu gutanga serevise nziza kirusha iyindi mirenge mu karere ka Nyarugenge,ndetse bahabwa igihembo cy’indashikirwa, bashimwa ubwitange, gukorana umurava mu gutanga serevise inoze mu baturage.
Iki gikorwa cyatangijwe ku mugaragaro kw’itariki 27/08/2024 gisozwa kw’itariki 03/09/2024.
Icyumweru cy’irangamimerere cyakorewe mu mirenge yose igize by’umwihariko mu karere ka Nyarugenge,cyari cyitezweho gusiga ibibazo byagaragaraga mu irangamimerere bikemutse.
Muri iki cyumweru hatanzwe n’inyigisho zitandukanye harimo gushishikariza abaturage bakibana mu buryo butemewe n’amategeko kwihutira gushyingirwa mu buryo bwemewe n’amategeko kuko ariyo nzira yo kurwanya no kwirinda amakimbirane yo mu ngo ndetse n’ihohoterwa rikorerwa mu miryango,kwandikisha abana bavutse baba abavutse vuba aha n’abari baracikanywe ntibandikishwe, kwandukuza abitabye Imana, kwifotoza ku bagejeje imyaka yo gufata ikarita ndangamuntu, n’ibindi.
Abaturage barashimirwa uburyo barakorana na Polisi mu gutanga amakuru
UWAMAHORO Genevieve. Umuyobozi Nshingwabikorwa wungirije w’Akarere ka Nyarugenge yashimiye ubuyobozi bw’umurenge n’abaturage muri rusange uburyo bumva kandi bagashira mu bikorwa bya gahunda za Leta zitandukanye ari nayo mpamvu bahora kw’isonga.
