Gasabo:Yigemuye agiye gutanga ruswa y’ibihumbi mirongo itanu baramufunga.

Police Sitasiyo ya Ndera ifatiye mu cyuho uwitwa SHUMBUSHO Celestin uw’imyaka 37,waruje kuri Polisi aje gutanga ruswa y’amafaranga ibihumbi mirongo itanu (50.000frw) kugirango commander amurekurire uwitwa NSHIMIYIMANA Ethienne w’imyaka 31,ucyekwaho ubujura wafatiwe mu mukwabo wo gufata abajura bazengereje abaturage batuye mu Kagari ka Bwiza kuko ashyirwa mu majwi y’abiba amatungo magufi bakanatega abaturage bakabambura.

Uyu waruje gutanga ruswa yahamagaye Commander wa Sitasiyo ya Ndera avuga ko ashaka kubonana nawe ku kibazo cy’umuvandimwe we ufunze, hanyuma asabwa kuza kuri office arakirwa avuga ikimugenza ko ari uko commander yamufungurira umuvandimwe we ufunzwe kubera gukurikiranwaho ubujura.

Uyu mugabo yabwiye commander ko yamuzaniye amafaranga ibihumbi 50 byo kumuha, nibwo yahise abikura mu mufuka abihereje commander ahita amwambika amapingu.

Dossier yashyikirijwe RIB ya Ndera

Ruswa ntabwo yihanganirwa muri Polisi y’u Rwanda ndese no mu gihugu muri rasange, uwishoye muri ruswa ahanwa n’amategeko.

Umuvugizi wa polisi mu mujyi wa Kigali CIP Wellars Gahonzire yibikije abaturage kwirinda ruswa kuko ntiyihanganirwa.

Ati “Abaturage birinde ibyaha kuko iyo babikoze bagafatwa nibwo batekereza no gutanga ruswa ngo bafungurwe, ntabwo bishoboka ntabwo wafungurwa kuko watanze amafaranga, ubutabera ntibugurwa”.