NYARUGENGE: Mu kagari ka “Katabaro mu murenge wa Kimisagara, abaturage n’abayobozi bifatanyije Kwibuka32 Genoside yakorewe Abatutsi.

Kwibuka ku nshuro ya 32 Jenoside yakorewe Abatutsi muri mata 1994 ku rwego rw’akagari ka “Katabaro, mu murenge wa Kimisagara akarere ka Nyarugenge, umuhango wabereye ahazwi nko ku rusengero rwa “PIRIVAZI, kuri uyu wa gatanu tariki 24 mata 2026.

Iki gikorwa cyateguwe n’Ubuyobozi bw’akagari kubufatanye n’ubuyobozi bwa Ibuka muri aka kagari ka katabaro cyitabirwa n’abayobozi batandukanye mu nzego zitandukanye.

Umuyobozi wa Ibuka ku rwego rw’Umurenge wa Kimisagara, hamwe n’abandi bayobozi batandukanye bifatanyije n’abaturage b’akagari ka Katabaro muri iki gikorwa cyo kwibuka ku nshuro ya 32 Genoside yakorewe Abatutsi.

Igikorwa cyo Kwibuka muri aka kagari cyabanjirijwe no gufata umunota wo kwibuka abacu bazize Genoside yakorewe Abatutsi. nyuma gato Umunyamabanga nshingwabikorwa w’akagari ka Katabaro madame “MUKASANO Agnes, ahabwa ijambo ry’ikaze, nk’ibisanzwe agendera ku nsanganyamatsiko igira iti “Twibuke twiyubaka, yagaragaje ko mu kagari ka Katabaro hari ibyagezweho mu myaka 32 ishize, mu gushyigikira no gufasha abarokotse Jenoside yakorewe Abatutsi.

***Umunyamabanga nshingwabikorwa w’akagari ka Katabaro “MUKASANO Agnes,***

Muri iki gikorwa cyo kwibuka ku nshuro ya 32 Genoside yakorewe Abatutsi mu kagari ka Katabaro hari imiryango igera kuri 7 yahawe inkunga y’ibiribwa.

Bwana “KAYIRANGA Gilbert Umuyobozi wa Ibuka mu murenge wa Kimisagara aganira na Uruvugiro.rw yavuze ko ku bufatanye n’abaturage ndetse n’abafatanyabikorwa batandukanye bakorera mu Murenge wa Kimisagara, babashije gukusanya inkunga baremera abarokotse batuye muri aka kagari.

Hari kandi ubuvuzi buhoraho buhabwa abarokotse Jenoside yakorewe Abatutsi bo mu kagari ka Katabaro, nk’uko n’ahandi mu Gihugu hose bikorwa.

Akagari ka Katabaro gafite imiryango idafite aho kuba, ubuyobozi bw’Akagari bukaba busaba ubufatanye bw’Akarere, Umujyi wa Kigali n’abafatanyabikorwa kugira ngo iyo miryango yubakirwe.

Umubyeyi witwa “MUSABYIMANA Zakiya, warokotse Jenoside yakorewe Abatutsi mu kagari ka Katabaro yatanze ubuhamya, avuga ku bwicanyi ndengakamere bwakorerwaga abatutsi muri aka gace mu gihe cya Jenoside, agaragaza ko uko hasa uyu munsi ari ikimenyetso gikomeye cy’uburyo u Rwanda rwiyubatse ashimira Inkotanyi zagize uruhare mu kubasubiza ubuzima.

***“MUSABYIMANA Zakiya, warokotse Genoside yakorewe Abatutsi 1994.***

Mu ijambo ry’umushyitsi mukuru madame “TUMWEBAZE Edithe, umuyobozi w’umuryango RPF Inkotanyi mu murenge wa Kimisagara, yihanganishije abarokotse Jenoside yakorewe Abatutsi mu kagari ka Katabaro, abizeza ubufatanye, ababwira ko badakwiye guheranwa n’agahinda, ahubwo ko bazafatanya mu gushakisha ibyabateza imbere kugira ngo babashe kubaho neza, ndetse ashimira ingabo zahoze ari iza (RPA) kubera uruhare zagize mu kurokora abahigwaga, zigahagarika Jenoside zirangajwe imbere na Perezida Paul Kagame.

Mu kiganiro apotre “KUBWIMANA David, yagejeje ku bitabiriye umuhango wo kwibuka Kwibuka ku nshuro ya 32 Genoside yakorewe Abatutsi 1994, yagarutse ku mateka mabi ya Jenoside yakorewe Abatutsi, asobanura uko Umugore wa habyarimana yafatanyije n’agatsiko kiganjemo basaza be bafatanyije gutegura umugambi wo kurimbura Abatutsi burundu.