AMAFOTO: Gitifu mushya wa Kimisagara yifatanyije n’abaturage bo mu kagari ka Kimisagara Kwibuka Genoside yakorewe Abatutsi.

Kwibuka ku nshuro ya 32 Jenoside yakorewe Abatutsi 1994 mu kagari ka “Kimisagara, mu murenge wa Kimisagara akarere ka Nyarugenge, igikorwa cyabanjirijwe no gushyira indabo ku rwibutso rwa Genoside yakorewe Abatusti rwa “Cyahafi, ruri mu murenge wa Gitega. Umunyamabanga nshingwabikorwa w’akagari ka Kimisagara bwana “MPAMBARA Amran, ahatangira ubutumwa bw’ihumure ku barokotse, ababwira ko ibyabaye bitazongera kubaho ukundi, kandi inkotanyi zadutabaye zigihari.

Umunyamabanga nshingwabikorwa w’akagari ka Kimisagara bwana “MPAMBARA Amran, atanga ubutumwa bw’ihumure.

Iki gikorwa cyateguwe n’Ubuyobozi bw’akagari kubufatanye n’ubuyobozi bwa Ibuka muri aka kagari cyitabiriwe n’abayobozi batandukanye mu nzego zitandukanye by’umwihariko Umunyamabanga mushya w’umurenge wa Kimisagara bwana “NIYONKURU Emmanuel.

Umunyamababanga nshingwabikorwa mushya w’umurenge wa Kimisagara wicaye hagati bwana “NIYONKURU Emmanuel.

Umuyobozi wa Ibuka ku rwego rw’Umurenge wa Kimisagara, hamwe n’abandi bayobozi batandukanye bifatanyije n’abaturage b’akagari ka Kimisagara muri iki gikorwa cyo kwibuka ku nshuro ya 32 Genoside yakorewe Abatutsi.

Igikorwa cyo Kwibuka muri aka kagari cyabanjirijwe no gufata umunota wo kwibuka abacu bazize Genoside yakorewe Abatutsi by’umwihariko muri aka kagari ka Kimisagara.

Mu ijambo ry’ikaze Umunyamabanga nshingwabikorwa w’akagari ka Kimisagara bwana “MPAMBARA Amran, yahumurije abarokotse Genoside yakorewe abatutsi muri aka kagari ka Kimisagara. ndetse ashimangira ko Inkotanyi zarokoye abatutsi na n’ubu zigihari.

Umubyeyi witwa “MUTSOBE Cecile, warokotse Jenoside yakorewe Abatutsi mu kagari ka Kimisagara yatanze ubuhamya, avuga ku bwicanyi ndengakamere bwakorerwaga abatutsi muri aka kagari mu gihe cya Jenoside, asobanura uko interahamwe ziturutse mu bice byose byari bigize segiteri Kimisagara zateraniye muri aka gace zigamije kurimbura umututsi uwariwe wese uhabarizwa.

Bwana “MPAMBARA Amran, Umuyobozi wa Ibuka mu murenge wa Kimisagara aganira na URUVUGIRO.RW Mu kiganiro yavuze ko ugereranyije no mu bihe byatambutse umubare w’abakora ibikorwa bibi byo gushengura imitima y’abarokotse nko gupfobya, ndetse bakanahakana Genoside yakorewe abatutsi muri aka kagari byagabanutse cyane ugereranyije no mu bihe byatambutse. akomeza avuga ko muri uyu mwaka ndetse n’uwabanje nta birego bakiriye bivuga bivuga kuri ayo mahano.

Mu ijambo ry’umushyitsi mukuru akaba na perezida w’inama njyanama mu murenge wa Kimisagara bwana “NKOMEZI Alexis mu kiganiro yahaye abitabiriye umuhango wo kwibuka muri aka kagari ka kimisagara yavuze ko abahekuye U Rwanda ibiganza byabo bigitegereje kongera kumena amaraso.

“NKOMEZI Alexis, yanasobanuye ko hari uburyo bifashisha imbuga nkoranyambaga bahakana ndetse bakanapfobya Genoside yakorewe abatutsi, asaba ko buri wese akwiye kugira uruhare mu kubasubiza binyuze ku mbuga nkoranyambaga nk’uko na bo babikora bifashisha imbuga zirimo Twitter n’izindi.

Reba andi mafoto yaranze igikorwa cyo kwibuka Genoside yakorewe abatutsi 1994 cyabereye mu kagari ka Kimisagara.