Kanombe-Rubirizi:Barinubira umunuko uturuka mw’ituragiro rya Uzima chicken.
Kicukiro-Kanombe:Abaturage bo mu murenge wa Kanombe mu gace ka Rubirizi mu karere ka Kicukiro,Barinubira umunuko uturuka mw’ituragiro rya Uzima chicken.
Abakoresha umuhanda umanuka kuri Uzima chicken berekereza za Masaka bavuga ko batazi impamvu iryo turagiro riturukamo impumuro mbi Kuko bigusaba kwambara agapfukamunwa. kuri babandi badashobora kwihanganira uwo munuko.
Bâti”Munyamakuru uyu munuko uri hano uteye ubwoba. Noneho twebwe abahatuye bamwe turicuza n’impamvu twaje kuhatura basi bazatwimure”
Umunyamabanga shingwabikorwa w’umurenge wa Kanombe Nkurunziza Idrissa ubwo yavuganaga n’ikinyamakuru Uruvugiro kuri iki kibazo yatangaje ko atari ubwa mbere iki kibazo cy’umvikanye. Ati: “Twabasabye kuzajya bahatera imiti cyane cyane mu gihe bagiye kuhakora isuku ninabwo icyo kibazo kigaragara. Ubwo muduhaye amakuru tugiye kuhanyarukira nidusanga Koko iki ikibazo gihari turaza kubahana”.
Abakoresha umuhanda umanuka Rubirizi barinubira umunuko
Uzima chicken yagiye ivugwamo ibibazo byinshi bitandukanye mu mwaka washize was 2023,harimo guhombya aborozi bagiye bizezwa ibitangaza by’urwunguko. Aborozi bagiye bashora amafaranga menshi muri uyu mushinga w’ubworozi be’inkoko barahomba bitewe n’uburyo imishwi bagiye bahabwa bagiye ipfa mu buryo bw’amayobera
