Ba 6 bamaze gupfa. ng’iyi virus ya “Marburg, imeze nka Ebora yageze mu Rwanda, REBA INKURU
Yanditswe na: Ishimwe Claude Chaba
Minisitiri w’Ubuzima Dr. Sabin Nsanzimana, yavuze ko indwara y’umuriro mwinshi iterwa na virus na Marburg, imaze kwambura ubuzima abantu 6, hakaba habarurwa 20 bayirwaye. Yavuze ko abo yafashe cyane, ari abakora mu bitaro, cyane cyane mu ndembe.
Bwana Sabin Yavuze ko inzego ziri gukora ibishoboka byose, ngo babone abahuye n’abayanduye ndetse n’abahuye n’abitabye Imana. Yasabye Abanyarwanda kudakuka umutima, tukubahiriza ingamba zo gukaraba kenshi n’amazi n’isabune, tugakoresha umuti wica udukoko [Sanitizer], tukirinda no gukorakoranaho n’abantu.
Ishami ry’Umuryango w’Abibumbye ryita ku Buzima, OMS, ryatangaje ko hagati y’iminsi 2/7 abarwayi bagira ikibazo cyo kuva amaraso ahari ho hose hari umwenge ku mubiri w’umunti, urugero nko mu mazuru mu myanya y’ibanga ndetse n’ahandi. Ku bagabo hari abababuka ku dusabo tw’intanga. Nk’uko OMS ibivuga ivuga ko bantu 100 banduye virus ya Marburg birangira 80 muri bo bitabye Imana.
OMS ivuga ko abanduye virus ya Marburg bapfa hagati y’iminsi 8 ndetse bakaba bapfa barimo kuva amaraso, iyi virus ya Marburg ngo biragoye kuyitandukanya n’izindi ndwara nka Malaria, Typhoid, n’izindi gusa ngo barasuzuma bakayibona arko igitangira ngo hari ubwo abantu bayitiranya, akaba ariyo mpamvu Minisante isaba buri muntu wese ushobora kugira uko yiyumva ko yahamafara numero (114).
Ku yandi makuru OMS itanga ivuga ko nta rukingo rw’iyi ndwara ruraboneka gusa ngo hari umuti n’ubuvuzi bitangwa ku muntu ufite ibimenyetso byayo akavurwa.
Yanditswe na: Ishimwe Claude Chaba
