Gasabo-Jali: Polisi yafashe abakekwaho ubajura bategaga abantu bakabambura ndetse bakanabakomeretsa
Gasabo-Jali: Polisi yafashe abakekwaho ubajura bategaga abantu bakabambura ndetse bakanabakomeretsa
Byabaye Murukerera rwo kuri uyu wa kane tariki ya 22/05/25, Polisi ikorera mu Karere ka Gasabo, Umurenge wa Jali, Akagali ka Agateko, Umudugudu wa Kinunga.
Polisi ifatanyije n’izindi nzego z’umutekano, ndetse n’abaturage yafashe abakekwaho ubajura 3 bategaga abaturage kumanwa na nijoro bitwaje ibyuma, bakabambura ibyabo ndetse bakanabakomeretsa.
Abafashwe naba bakurikira:
1.Niyomugabo Theogene 20yrs
2.Mutijima Olivier 25yrs
3.Manariyo Vedaste alias Byagara 31yrs (uyu bivugwa ko ari mu bateze bakanatera icyuma umukozi wo muri Akagera Motor witwa Shala Djanga Albert taliki 3/5/2025.
Abafashwe bafungiye kuri Station ya Gatsata kugirango bkorerwe amadosiye bajyanwe mu bugenzacyaha.
Aba bafashwe nyuma yaho polisi imaze iminsi ibona ibirego by’abaturage bavuga ko bategwa n’abajura bakabambura ibyabo ndetse bakanabakomeretsa.
Umuvugizi wa polisi mu mujyi wa kigali CIP Gahonzire Wellars yihanangirije abantu bose bafite ingeso yo kumva ko bazatungwa no gutwara ibya bandi,ko batazabihanganira.
Yongeye kwibutsa ko nta mwanya bafite muri iki gihugu, kandi ko ibikorwa byo kubafata bikomeje.
Ati “Iyo umujura agiye kwiba yitwaje ibyuma, ntabwo aba akiri umujura gusa ahubwo aba yahindutse umugizi wa nabi.Tuributsa abaturage gukomeza gukorana n’inzego z’umutekano cyane cyane gutanga amakuru ku bantu bose bazi ko ari abajura.”
