Aliou Diarra na Jean Jacques Boissy batoranyijwe muri NBA G-League
Inkuru ya Teta Sheila
Aliou Diarra wakiniraga APR BBC yatoranyijwe na Texas Legends, Jean Jacques Boissy wa REG BBC atoranywa na Memphis Hustle zo muri NBA G-League.
NBA G-League ni shampiyona yo guteza imbere abakinnyi, aho ikinamo amakipe mato asanzwe ashamikiye ku makuru yo muri NBA.
Diarra yari ayoboye abakinnyi 17 mpuzamahanga baturutse mu bihugu 15 bagombaga gutoranywa. Ni mu gihe, Boissy we yari ku mwanya wa gatanu.
Muri rusange, Texas Legends Diarra yerekejemo ishamikiye kuri Dallas Mavericks yo muri NBA, mu gihe Memphis Hustle yo ishamikiye kuri Memphis Grizzlies.
Aba bakinnyi bombi berekeje muri Leta Zunze Ubumwe za Amerika mu kwezi gushize, ubwo bari bitabiriye imikino yo mu mpeshyi izwi nka NBA Summer League.
Icyo gihe Diarra n’ubundi yari kumwe na Dallas Mavericks, mu gihe Boissy yari muri Milwaukee Bucks.
Uretse kuba bari mu bakinnyi beza muri Shampiyona y’u Rwanda, aba bombi banitwaye neza muri BAL 5, aho Boissy yabaye umukinnyi mwiza w’irushanwa nyuma yo gufasha Al Ahli Tripoli kuryegukana. Ni mu gihe Diarra yabaye myugariro beza
