AMAFOTO: Ibyaranze igitaramo gisingiza Intwari z’Igihugu.
Posted by: ISHIMWE Claude Chaba
Igitaramo gisingiza Intwari z’u Rwanda ni kimwe mu bikorwa byabanjirije umunsi nyirizina wo kwizihiza Intwari z’u Rwanda.
Iki gitaramo cyabaye mu ijoro tariki 31 Mutarama 2026 muri Kigali Conference and Exhibition Village ahazwi nka Camp Kigali, gihuza abayobozi mu Nzego Nkuru z’Igihugu, urubyiruko rwaturutse mu bice bitandukanye by’Umujyi wa Kigali n’ahandi.
Mu mbyino ziteye ubwuzu itorero Indatirwabahizi ryasusurukije abitabiriye igitaramo gisingiza Intwari z’u Rwanda.
Itorere ry’Igihugu Urukerereza naryo ryaserutse mu mbyino zirata ubutwari bw’Abanyarwanda.
Minisitiri w’Ubumwe bw’Abanyarwanda n’Inshingano Mboneragihugu Dr, Jean Damascène BIZIMANA yagaragaje ko igitaramo gisingiza Intwari z’Igihugu ari umwanya wo gushima no guha icyubahiro Intwari z’u Rwanda no kuzigiraho indangagaciro zaziranze nk’ubumwe, ubutwari, ubwitange, kunoza umurimo, gukunda Igihugu, ubupfura n’izindi.
Umuhanzi Kitoko mu ndirimbo ze zikundwa na benshi n’izisingiza Intwari z’Igihugu yakiranwe urugwiro.
Army Band mu ndirimbo zirata Intwari z’u Rwanda bishimiwe n’abitabiriye igitaramo gisingiza Intwari z’Igihugu.
Ubutwari n’Ubumwe bw’Abanyarwanda, Inkingi z’Iterambere.
Umuhanzikazi BWIZA nyuma yo kwibutsa urubyiruko ko ubutwari buharanirwa, yatanze ibyishimo ku bitabiriye igitaramo gisingiza Intwari z’Igihugu.
Posted by: ISHIMWE Claude Chaba
