GASABO: Polisi yafatiye mucyuho abantu batatu batekaga kanyanga
Tariki ya 09/07/25, murukerera, Polisi ifatanije n’izindi nzego z’umutekano mu Karere ka Gasabo, Umurenge wa Gikomero, Akagali ka Murambi, Umudugudu wa Rugarama, yafatiye mucyuho abagabo 3,batetse kanyanga, bahishije.
Bafatanywe ibikoresho bifashisha mu guteka iyo kanyanga. ndetse na Kanyanga litiro 18,
Abafashwe ni HAKIZIMANA Christophe 22yrs (Nyirurugo), DUFITUMUKIZA Jacques 19yrs, NIYONSENGA Bosco 22yrs, bafashwe biturutse ku makuru yatanzwe n’abaturage dore ko bari basanzwe bateka kanyanga.
Si ubwa mbere abo bafashwe batangwaho raporo, kuko Tariki ya 03/07/2025 nabwo batetse kanyanga inzego z’umutekano zigiye kubafata baratoroka basanga muri urwo rugo mba harimo litiro icumi bari bamaze guteka.
Abafashwe na kanyanga bafatanywe n’ibikoresho bakoreshaga kuri ubu bafungiye kuri Sitasiyo ya Gikomero ngo bakorerwe amadosiye bajyanwe mu bugenzacyaha RIB.
Muri aka karere mu mirenge ya Gikomero, Ndera, Rusororo, Rutunga,Bumbogo ni hamwe mu hantu hakunze kuvugwa abaturage bateka kanyanga, ndetse n’ibindi biyobyabwenge birimo inzoga zitujuje ubuzirange.
Umuvugizi wa polisi mu mujyi wa kigali CIP Wellars Gahonzire yihanangirije abaturage cyane cyane abatuye muri iyo Mirenge kwirinda kwishora mu biyobyabwenge kuko inzego z’umutekano zabahagurikiye.
Ibiyobyabwenge mu Rwanda ntibyihanganirwa kuko hari n’itegeko rihana ababyishoramo ibihano bikomeye birimo n’igifungo, abaturage bumvako bazakizwa no gucuruza ibiyobyabwenge baribeshya, kuko ntabwo byabahira, nta muntu wakijijwe n’ibiyobyabwenge, nibashake indi mishanga yo gukora irahari.
