Gatsata- Nyabugogo: Baribaza niba gare yarimukiye muri sitasiyo ya Rubis Urugomo,Umutekano muke.Baratabaza

Abantu bakorera mu gace ka nyabugogo mu marembo ya gare ku kuri sitasiyo icuruza essence ya Rubis, bahangayikishijwe n uburyo hasigaye harahinduwe gare aho abagenzi basigaye bahategera imodoka zibajayana muntara ndetse bagateza akavuyo n umutekano muke ku baje kuhaka serivisi.

Iyo uhageze uhasanga amamodoka atandukanye ahaparitse ategereje abagenzi niyo babonetse usangamo bakurubana, bagateza akavuyo abandi bakarwana. Abakozi ba sitasiyo ya Essance Rubis -Nyabugogo bakubwira ko nabo byarabayobeye kuko abateza akavuyo barazwi kuko ibi babikora ku manywa y ihangu, ahubwo bakibaza impamvu inzego z umutekano zitabahashya bikabayobera.

Abaje kugura lisansi bavuga ko bigoye kubona aho uparika kuko sitasiyo yose iba yuzuye amatagisi. Ikindi ngo ni uko bateza umutekano muke, bagenda bakurubana abantu wanabaza impamvu yabyo, nimpamvu batajya muri gare yabugenewe, bakwuka inabi rimwe na rimwe bakagutuka amagambo akomeye.

Usanga abashinzwe gutanga serivisi na mazutu kuri sitasiyo bari gushwana nabo ndetse no kubegezayo bikaba ikibazo. Igitangaje abashinzwe umutekano abasekirite usanga aribo bicaye mu mamodoka bari gushaka abagenzi. Ukibaza igihe barindira umutekano cyangwa company bakorera yabohereje kujya gukora akazi kubushoferi bwa tagisi.

Abaza kwaka serivisi barasaba RURA na polisi, gukora ibishoboka byose bagahashya  izi nsoresore zibabuza umutekano, bagakurwa muri iyi sitasiyo bakabashakira ahandi bajya gupakirira abagenzi kuko bibabangamira ndetse bigatuma badakora akazi kabo uko bikwiye.

Umuvugizi wa polisi mu mujyi wa kigali CIP Wellars Gahonzire yatangarije ikinyamakuru Uruvugiro ko bagiye gushyiramo imbaraga bagahashya izi nsoresore ikindi ko nta n umwe wemerewe kubuza abaturage umutekano n umudendezo mu gihe Leta iba yarakoze ibishoboka byose ikabubakira, gare kandi nabo babizi ubwabo ko gupakirira hanze yayo bitemewe.