Ashimwe witabiriye ‘Miss Rwanda 2022’ ari kubica muri Basketball
Inkuru ya Teta Sheila
Ashimwe Michelle uri mu bakobwa bitabiriye irushanwa rya Miss Rwanda mu 2022, akomeje kubica muri shampiyona ya Basketball.
Uyu mukobwa yashimiwe n’ikipe ye ya ‘Azomco Global’ nk’umukinnyi uyobora abandi neza yaba mu kibuga ndetse no hanze yacyo.
Ashimwe w’imyaka 23 yanakiniye ikipe y’abangavu yitabiriye imikino ya Zone5 mu 2016.
Uyu mukinnyi wa Basketball mbere yo kwinjira muri ‘Azomco Global’ yari yarabengutswe na Kaminuza y’u Rwanda yakiniye kugeza mu 2020 ubwo Covid-19 yahagarikaga ibijyanye n’imikino.
Nyuma y’imyaka ibiri, uyu mukobwa yari yahagaritse ibyo gukina yitabira amarushanwa y’ubwiza nubwo atamuhiriye ngo agire ikamba yegukana.
Uretse irushanwa rya Miss Rwanda yitabiriye mu 2022, Ashimwe uyu mwaka yanitabiriye Miss Africa, irushanwa ryabereye muri Nigeria icyakora nabwo ataha atabashije kugira ikamba yegukanye.
Umwaka ushize uyu mukobwa yanatoranyijwe mu bagombaga kwitabira ‘Miss Heritage Global’, icyakora birangira irushanwa ritabaye kubera abariteguye.
Ashimwe washimiwe muri iyi kipe, ni umwaka we wa kabiri akinira ‘Azomco Global’
