UMURENGE KAGAME CUP 2026: Reba uko abaturage bitabiriye imikino itandukanye hirya no hino mu gihugu: AMAFOTO
Posted by: ISHIMWE Claude Chaba
Amarushanwa y’Umurenge Kagame Cup agamije kwimakaza imiyoborere myiza n’umuco wo guhiga no kurushanwa. Iri rushanwa rikaba rigamije guteza imbere impano z’urubyiruko mu byiciro bitandukanye harimo Abakobwa n’abahungu.
Aya marushanwa yatangiye mu mwaka wa 2006 icyo gihe akaba yaritirirwaga Imiyoborere myiza, ubu ni amarushanwa Umurenge Kagame Cup.
Kuri Stade ya Runda mu Karere ka Kamonyi ni ho hatangirijwe ku mugaragaro amarushanwa y’Umurenge Kagame Cup 2026.
Ni igikorwa cyayobowe na Minisitiri w’Ubutegetsi bw’Igihugu, Habimana Dominique n’Umunyamabanga wa Leta muri Minisiteri ya Siporo, Rwego Ngarambe n’abandi bayobozi mu nzego zitandukanye.
Amarushanwa y’Umurenge Kagame Cup aba buri mwaka, akubiyemo imikino itandukanye ihuza imirenge 416, yatangiye gukinwa mu 2006.
Aya ni amwe mu mafoto y’ubwitabire bw’abaturage mu mirenge itandukanye igize uturere two hirya no hino mu gihugu.
Mu karere ka Rulindo byari ibyishimo ku baturage batutse mu murenge wa Base.
Amarushanwa Umurenge Kagame Cup 2026 arakomeje hirya no hino mu gihugu turakomeza kubakurikiranira uko amakipe yitwaye.
Posted by: ISHIMWE Claude Chaba
